Þrjár nýjar skoðanagreinar birtust á Húsavík.com í dag þar sem fjallað er um ólík málefni samfélagsins, allt frá stöðu skólakerfisins til Evrópumála og atvinnuuppbyggingar á Bakka.
Jóhann Rúnar Pálsson, skólastjóri Þingeyjarskóla, skrifar greinina „Sterkt samfélag, öflugur skóli“ þar sem hann bendir á að skólinn sé hluti af stærra samhengi. „Skólinn starfar ekki í tómarúmi. Hann endurspeglar samfélagið sem hann er hluti af, hraða þess, kröfur og væntingar,“ skrifar Jóhann Rúnar.
Hjálmar Bogi Hafliðason, forseti sveitarstjórnar Norðurþings, fjallar í greininni „Innan eða utan ESB?“ um stöðu Íslands gagnvart Evrópusambandinu. Þar segir hann meðal annars: „Það eru tækifæri í inngöngu ESB en framsal fullveldis sömuleiðis sem því nemur.“
Björn Gíslason, verkefnastjóri atvinnuuppbyggingar á Bakka, skrifar greinina „Gildi viljayfirlýsinga í þróun verkefna á Bakka“. Þar útskýrir hann hlutverk slíkra yfirlýsinga og segir meðal annars að „gerð viljayfirlýsingar markar mikilvægt skref í ferlinu og staðfestir að sveitarfélagið telji að umrætt verkefni eigi heima á iðnaðarsvæðinu á Bakka.“
Greinarnar þrjár má lesa í heild á skoðanasíðum Húsavík.com.
