Spáð er vaxandi sunnanátt á Húsavík og í nágrenni á aðfangadag, með hvössum vindi og óvenjuhlýju veðri miðað við árstíma. Vindur eykst í 15–23 metra á sekúndu í kvöld og getur farið í 18–28 metra um tíma í fyrramálið og fram yfir hádegi á morgun.
Veðrið verður að mestu þurrt og fer hlýnandi eftir því sem líður á aðfangadag. Gert er ráð fyrir að hitinn verði á bilinu 8 til 17 stig á morgun.
Búast má við langvinnu sunnan hvassviðri eða stormi fram yfir aðfangadag, en vindur fer smám saman að ganga niður þegar líður á jóladag, 25. desember. Íbúar eru hvattir til að gæta að lausum munum og sýna aðgát utandyra meðan veðrið gengur yfir.
