Heimsóknir á Húsavík.com í febrúar voru rætt tæplega 36 þúsund, sem er ögn meira en í janúar þegar 35 þúsund heimsóttu vefinn, en talsverð aukning þegar haft er í huga að febrúar er aðeins 28 dagar. Lestur er því enn að aukast og erum við þakklát fyrir það.
Langflestar heimsóknir voru auðvitað frá Íslandi, eða um 32 þúsund talsins. Erlendir lesendur létu sig þó ekki vanta og alls bárust heimsóknir frá 59 löndum í febrúar, en á vefnum má einnig lesa fréttir á ensku og pólsku.
Flestir erlendu gestirnir komu frá Bandaríkjunum, alls 563 gestir. 378 gestir heimsóttu vefinn frá Spáni, 346 frá Noregi, 286 frá Danmörku, 157 frá Svíþjóð, 134 frá Póllandi og 106 frá Bretlandi. Það sýnir að áhugi á málefnum Húsavíkur og Norðurþings nær langt út fyrir landsteinana.
Pólitíkin í brennidepli
Framboðsmál voru áberandi meðal fréttamála í febrúar. Fjórar af fimm mest lesnu fréttum mánaðarins voru úr pólitíkinni, enda undirbúningur framboða fyrir sveitarstjórnarkosningar kominn á fullt skrið. Mest lesna frétt mánaðarins var þó ekki pólitísk.
Fréttin um glæsilegan sigur Fish & Chips Lake Mývatn á alþjóðlegri veitingakeppni í London sló öll met. Veitingastaðurinn hlaut verðlaun á The National Fish & Chips Awards við hátíðlega athöfn í London í síðustu viku og vakti það mikla athygli bæði innanlands og utan. Fréttin var ekki aðeins mest lesin heldur einnig mest deilt á samfélagsmiðlum og sýnir það vel hvað jákvæðar fréttir af árangri heimamanna snerta fólk.
Fjölbreyttar fréttir vöktu athygli
Aðrar fréttir sem vöktu mikla athygli í febrúar voru meðal annars:
> Frétt um auglýsingu Norðlenska á Húsavík fyrir öskudaginn var mikið lesin
> Leit unglingadeildar Björgunarsveitarinnar Garðars að týndri kisuvakti athygli en Þoka fannst loks í gær eftir 17 daga leit
> Breyttur opnunartími í Sundlaug Húsavíkur vakti athygli og umræðu á samfélagsmiðlum
Samantekt mánaðarins sýnir vel að lesendur Húsavík.com fylgjast grannt með pólitík, atvinnulífi og íþróttum, en líka samfélagsmálum, mannlífi og hversdagslegum fréttum.
