Fish & Chips Lake Mývatn vann í dag verðlaunin International Fish and Chips Operator of the Year á The National Fish and Chips Awards 2026 sem fram fór á Park Plaza Westminster Bridge í London.
Fulltrúar Fish & Chips Lake Mývatn eru stödd í London og tóku við verðlaununum síðdegis í dag, en fyrirtækið var eitt þriggja í úrslitum í alþjóðlegum flokki, sem besti alþjóðlegi fish and chips staðurinn. Verðlaunin eru veitt af National Federation of Fish Friers og þykja ein þau virtustu í heimi á sviði fiskirétta.
Sigurinn er stór viðurkenning fyrir ungt fyrirtæki í Mývatnssveit, en staðurinn opnaði árið 2022. Húsavík.com óskar eigendum og starfsfólki til hamingju með þennan stórkostlega árangur.
