Meirihluti kjósenda hafnaði því að Ísland hæfi á ný aðildarviðræður við Evrópusambandið í þjóðaratkvæðagreiðslunni sem fram fór í gær. Samkvæmt lokatölum sögðu 118.040 kjósendur nei, eða 52,8 prósent, en 105.399 sögðu já, eða 47,2 prósent.
Alls greiddu 225.031 atkvæði og var kjörsókn 82,5 prósent. Þetta er mesta kjörsókn í kosningum á Íslandi frá alþingiskosningunum í apríl 2009, þegar hún var 85,1 prósent.
Munurinn var meiri í Norðausturkjördæmi. Þar sögðu 15.822 nei, eða 61,2 prósent, en 10.002 sögðu já, eða 38,8 prósent.
