Tveir leikir fóru fram í Unbrokendeildum karla og kvenna í blaki í GPG höllinni á Húsavík í dag þegar Völsungar tóku á móti liðum Þróttar í Fjarðabyggð.
Karlaliðin mættust klukkan 14.00 í hörkuleik sem endaði með 3–2 sigri Völsungs eftir æsispennandi leik. Kvennaliðin stigu svo á völlinn í kjölfarið og þar voru heimastúlkur sterkari frá upphafi til enda og unnu 3–0 sigur. Liðin mætast aftur í GPG höllinni á morgun, sunnudag. Karlaliðin hefja leik klukkan 13.00 og kvennaliðin klukkan 15.00.
Hægt er að horfa á upptökur frá leikjunum dagsins á vef Blaksambands Íslands.
