Fjórða kvöld deildarkeppni Píludeildar Völsungs verður haldið núna á föstudag. Keppnin hefst klukkan 19:30 og eru félagsmenn hvattir til að mæta tímanlega og tryggja sér þátttöku. Deildarkeppnin hefur farið vel af stað í vetur þar sem keppendum er raðað í deildir eftir styrkleika. Mikil og góð stemning hefur verið á fyrri kvöldum og spennandi einvígi sést í öllum deildum.
„Við hvetjum alla félagsmenn til að mæta og taka þátt. Það er frábær stemning og allir fá leiki við sitt hæfi,“ segir Guðmundur Þráinn Kristjánsson, sem annast kynningarmál deildarinnar.
Skráning fer fram á Facebook-síðu deildarinnar og lýkur kvöldið fyrir mót. Allir sem eru skráðir í Völsungur eru velkomnir til þátttöku og eru áhugasamir hvattir til að ganga í félagið og slást í hópinn.
