Útför var gerð frá Flateyjarkirkju og greftrun í Flateyjarkirkjugarði um helgina, en þetta er í fyrsta sinn í 69 ár sem grafið er í kirkjugarðinum í Flatey á Skjálfanda. Byggð laggðist af í Flatey árið 1967 en síðasta útför í eynni fór fram tæpum tíu árum fyrr, í nóvember 1957, eða þar til nú. Það var amma blaðamanns, Emilía Sigurjónsdóttir, sem var lögð til hinstu hvílu um helgina.
Siglt var með kistuna og útfarargesti frá Húsavík út í Flatey um borð í Sylvíu frá Gentle Giants. Prestur var sr. Þorgrímur Daníelsson. Aðstandendur þakka honum og Stefáni Guðmundssyni og starfsfólki hans hjá Gentle Giants fyrir eintaklega fallega umgjörð um útförina.
